Мектепке дейінгі тәрбие мен оқытудың мемлекеттік жалпыға міндетті стандартына сәйкес мектепке дейінгі ұйымдардың тәрбие-білім беру процесінде баланың мектепте оқуға физикалық, психологиялық, эмоционалдық, әлеуметтік дайындығы үшін тең бастапқы мүмкіндіктер құрылады.
Мектепке дейінгі дайындықтың мазмұны 5 жастағы балалардың (мектепке дейінгі тәрбие мен оқытудың үлгілік оқу бағдарламаларына сәйкес) физикалық дамуын, олардың шығармашылық қабілеттерін, коммуникативті дағдыларын дамыту және оқу мен жазуды үйренудің алғышарттарын, танымдық және зерттеушілік әрекетінің қарапайым дағдыларын және әлеуметтік-эмоционалдық дағдыларын, оқушының ішкі позициясын, оқу әрекетіне мотивациясын, ойлау әрекеттерін (аналогия, жіктеу, талдау және т.б.) қалыптастыру болады. Бұл дамып келе жатқан пәндік-кеңістіктік ортаны құруды, инновациялық әдістер мен технологияларды қолдануды, отбасы мен мектепке дейінгі ұйымның күш-жігерін біріктіруді, сондай-ақ мектепке дейінгі тәрбие мен оқыту және бастауыш білім арасындағы оқыту, дамыту және тәрбиелеу міндеттерінің сабақтастық пен үздіксіздік қағидаттарын ескере отырып, сақтауды талап етеді.
Мұндай тәсіл оқушылардың мектептегі жетілуіне және тұтастай алғанда мектепке дейінгі тәрбие мен оқытудың күтілетін нәтижелеріне қол жеткізуін қамтамасыз етеді.
«Мектепалды даярлықтың тәжірибелік және мазмұндық аспектілері» педагогтердің біліктілігін арттыру курсының білім беру бағдарламасы (бұдан әрі – Бағдарлама) мектепке дейінгі тәрбие мен оқытудың мемлекеттік жалпыға міндетті стандартының талаптарына сәйкес аталған топтар мен сыныптарда тәрбиелеу-білім беру процесін ұйымдастыру бойынша мектепалды даярлық топтары/сыныптары педагогтерінің кәсіби құзыреттілігін кеңейтуге бағытталған.