Білім берудегі тиімділікке, ең алдымен, педагогикалық жағдайлар әсер етеді. Ең маңызды педагогикалық жағдайларға мұғалімнің пәндік құзіреттілігі жатады.  

Осыған байланысты бағдарлама жаңартылған мазмұнның ең күрделі мәселелері бойынша пәндік, әдістемелік құзыреттілік саласында математика мұғалімдерінің кәсіби дағдыларын қалыптастыруға бағытталған.  

Білім беру бағдарламасы математикалық есептерді шешу бойынша мұғалімдердің пәндік құзыреттіліктерін жетілдіруге, GeoGebra көмегімен стереометриялық есептерді, логарифмдік теңдеулер мен теңсіздіктерді шешу кезінде күрделі тақырыптарды оқыту әдістемесі саласындағы дағдыларды дамытуға бағытталған. 

Бағдарлама мазмұнын анықтау үшін Ұлттық біліктілік тестілеу тапсыру қорытындысы бойынша математика пәні мұғалімдерінің пәндік құзыреттіліктеріне талдау жүргізілді, мұғалімдерге сауалнама жүргізілді. Нәтижесінде ең күрделі тақырыптардың тізімі жасалды және ең жоғары рейтингке ие 8 тақырып таңдалды.